المشاركات
اليوجا .. فن التوقف عن التفكير
--------------------------------
اجلس جلسة مريحة ... مرتديا ملابس فضفاضة .. خالعا حذائك وحزام بنطالك.. اغمض عيناك .. ضع لسانك ملامسا لسقف فمك ولا تجعل اسنانك تلامس بعضها البعض .. واجعل الجزء الايمن من جسمك مطابقا للجزء الايسر
.....................................................................
فاكر اول كتاب قريته ... آه ميكى جيب
ياعم بقولك كتاب
ايوه كان اسمه عندما تضحك الشعوب .. كان بيحكى عن الامثلة الشهيرة فى دول العالم والقصص الحقيقية اللى كانت السبب فى اخراج المثل
صحيح فين الكتاب ده دلوقتى مش موجود عندى فى المكتبة؟
...................................................................
اجعل ظهرك منتصبا .. ثم خذ ثقله وارحه افقيا بدون اى توتر او شد .. بل واجعل جسمك كله مسترخيا .. وان شعرت باى الم فى اى جزء قم بارخاؤه واراحته
.................................................................
كل من هب ودب عايز يرشح نفسه لمجلس الشعب ... آه ما هى ميغة .. وكله طمعان فى حتة من التورتة هى جت عليهم يعنى وطز فى الوطن والشعب ... عمر ما ح يبقى فيه ناس محترمة ووطنية فى مجلس الشعب الا لو لغوا الحصانة عن اعضاؤه
...................................................................
ابدا فى تنظيم النفس .. فى حالة الشهيق قم بنفخ البطن والعكس فى حالة الزفير .. استمر هكذا لمدة خمس دقائق حتى تعتاد على طريقة التنفس بدون التركيز فى كيفيتها
..................................................................
كام واحد من يوم ما الدنيا اتخلقت وقعت على راسه تفاحة ... اشمعنى نيوتن هو الوحيد اللى فكر فى الجاذبية ؟ .. تفتكر نيوتن كان عايش بعقلية طفل وهو ده سر العبقرية فى سؤاله الساذج اللى ما حدش ساله قبليه .. والا فيه سبب تانى؟
................................................................
قم الآن بتوحيد ذهنك وتفكيرك على شىء واحد فقط ... وابدا بطرد كل فكرة ستاتى على ذهنك .. وذلك عن طريق التركيز فى شىء معين مثل صرة البطن او اصبع القدم الايمن الكبير .. او التركيز فى اللاشىء
..............................................................
يا سلام لو كل الناس وهى بتصلى تركز كده .. وتوحد ذهنها وفكرها مع الله سبحانه وتعالى .. كان الواحد يطلع من الصلاة كانه لسه مولود دلوقتى
ركز يا حج .... ماشى
.............................................................
مرحلة التامل او التخيل ... تخيل انك فى مكان غير المكان ... مثلا فوق سفح جبل .. او امام شاطىء بحر ... او حديقة زهور
...........................................................
بغض النظر عن اختلاف العقائد ... الشعب اليهودى ده يستحق التقدير .. على الاقل متوحدين ... وعندهم هدف بيسعوا لتحقيقه ... وكمان دماغهم مش سهلة ابدا ... بيلعبوا بالعالم كله ولا الكورة الشراب .. بمناسبة الكورة .. احنا ليه متأخرين قوى كدة فى الكورة مع ان المصريين دماغهم كلها كورة .. ويوم ما بيبقى فيه ماتش مهم كله بيتقوقع يا اما فى البيت يا اما ع القهوة قدام التليفزيون ... يمكن علشان ما عندناش روح التعاون او روح السعى ورا الهدف ... والا يمكن دى كمان مؤامرة من الحكومة؟
يا عم ركز بقى الله يكرمك .... حاضر
...........................................................
ستجد صعوبة فى الوصول الى حالة التركيز العليا .. ولكن مع تكرار المحاولات ستصل الى هدفك المنشود .... وعندما تنتهى من تلك الجلسة التى من الممكن ان تكون نصف ساعة او ساعة حسب قدرتك على توحيد ذهنك وتركيزه وطرد الافكار المشوشة لهما ... قم بالعودة الى عالمك مرة اخرى بذهنك فقط قبل ان تفتح عيناك ... حتى لا تصاب بهبوط او دوار ... ثم افتح عيناك وانتظر قليلا ثم قم بعدها
........................................................
يا ترى لو كنت عشت فى زمن تانى غير الزمن ده كنت ح ابقى ايه ؟ ولو كنت عشت فى عصر الفرسان كنت ح ابقى فارس بجد ؟ ... مش عارف .. بس اللى انا متاكد منه ان اى انسان يقدر يعيش فى اى زمان ومكان ... لانه بيعرف يتعايش مع البيئة كويس ... آه زى قصة روبنسون كروزو ... او فيلم كاست اواى بتاع توم هانكس
يا عم ارحمنى بقى مش عارف اركز ... بقولك ايه قوم كفاية عليك كده
--------------------------------
اجلس جلسة مريحة ... مرتديا ملابس فضفاضة .. خالعا حذائك وحزام بنطالك.. اغمض عيناك .. ضع لسانك ملامسا لسقف فمك ولا تجعل اسنانك تلامس بعضها البعض .. واجعل الجزء الايمن من جسمك مطابقا للجزء الايسر
.....................................................................
فاكر اول كتاب قريته ... آه ميكى جيب
ياعم بقولك كتاب
ايوه كان اسمه عندما تضحك الشعوب .. كان بيحكى عن الامثلة الشهيرة فى دول العالم والقصص الحقيقية اللى كانت السبب فى اخراج المثل
صحيح فين الكتاب ده دلوقتى مش موجود عندى فى المكتبة؟
...................................................................
اجعل ظهرك منتصبا .. ثم خذ ثقله وارحه افقيا بدون اى توتر او شد .. بل واجعل جسمك كله مسترخيا .. وان شعرت باى الم فى اى جزء قم بارخاؤه واراحته
.................................................................
كل من هب ودب عايز يرشح نفسه لمجلس الشعب ... آه ما هى ميغة .. وكله طمعان فى حتة من التورتة هى جت عليهم يعنى وطز فى الوطن والشعب ... عمر ما ح يبقى فيه ناس محترمة ووطنية فى مجلس الشعب الا لو لغوا الحصانة عن اعضاؤه
...................................................................
ابدا فى تنظيم النفس .. فى حالة الشهيق قم بنفخ البطن والعكس فى حالة الزفير .. استمر هكذا لمدة خمس دقائق حتى تعتاد على طريقة التنفس بدون التركيز فى كيفيتها
..................................................................
كام واحد من يوم ما الدنيا اتخلقت وقعت على راسه تفاحة ... اشمعنى نيوتن هو الوحيد اللى فكر فى الجاذبية ؟ .. تفتكر نيوتن كان عايش بعقلية طفل وهو ده سر العبقرية فى سؤاله الساذج اللى ما حدش ساله قبليه .. والا فيه سبب تانى؟
................................................................
قم الآن بتوحيد ذهنك وتفكيرك على شىء واحد فقط ... وابدا بطرد كل فكرة ستاتى على ذهنك .. وذلك عن طريق التركيز فى شىء معين مثل صرة البطن او اصبع القدم الايمن الكبير .. او التركيز فى اللاشىء
..............................................................
يا سلام لو كل الناس وهى بتصلى تركز كده .. وتوحد ذهنها وفكرها مع الله سبحانه وتعالى .. كان الواحد يطلع من الصلاة كانه لسه مولود دلوقتى
ركز يا حج .... ماشى
.............................................................
مرحلة التامل او التخيل ... تخيل انك فى مكان غير المكان ... مثلا فوق سفح جبل .. او امام شاطىء بحر ... او حديقة زهور
...........................................................
بغض النظر عن اختلاف العقائد ... الشعب اليهودى ده يستحق التقدير .. على الاقل متوحدين ... وعندهم هدف بيسعوا لتحقيقه ... وكمان دماغهم مش سهلة ابدا ... بيلعبوا بالعالم كله ولا الكورة الشراب .. بمناسبة الكورة .. احنا ليه متأخرين قوى كدة فى الكورة مع ان المصريين دماغهم كلها كورة .. ويوم ما بيبقى فيه ماتش مهم كله بيتقوقع يا اما فى البيت يا اما ع القهوة قدام التليفزيون ... يمكن علشان ما عندناش روح التعاون او روح السعى ورا الهدف ... والا يمكن دى كمان مؤامرة من الحكومة؟
يا عم ركز بقى الله يكرمك .... حاضر
...........................................................
ستجد صعوبة فى الوصول الى حالة التركيز العليا .. ولكن مع تكرار المحاولات ستصل الى هدفك المنشود .... وعندما تنتهى من تلك الجلسة التى من الممكن ان تكون نصف ساعة او ساعة حسب قدرتك على توحيد ذهنك وتركيزه وطرد الافكار المشوشة لهما ... قم بالعودة الى عالمك مرة اخرى بذهنك فقط قبل ان تفتح عيناك ... حتى لا تصاب بهبوط او دوار ... ثم افتح عيناك وانتظر قليلا ثم قم بعدها
........................................................
يا ترى لو كنت عشت فى زمن تانى غير الزمن ده كنت ح ابقى ايه ؟ ولو كنت عشت فى عصر الفرسان كنت ح ابقى فارس بجد ؟ ... مش عارف .. بس اللى انا متاكد منه ان اى انسان يقدر يعيش فى اى زمان ومكان ... لانه بيعرف يتعايش مع البيئة كويس ... آه زى قصة روبنسون كروزو ... او فيلم كاست اواى بتاع توم هانكس
يا عم ارحمنى بقى مش عارف اركز ... بقولك ايه قوم كفاية عليك كده
0 التعليقات:
إرسال تعليق